काठमाडौं- राष्ट्रिय चिकित्सा शिक्षा आयोगका उपाध्यक्ष श्रीकृष्ण गिरीको नियुक्ति बदरको माग गर्दै सर्वोच्च अदातलमा रिट निवेदन दायर भएको छ।
सर्वोच्चको आदेशपछि बिहीबार उक्त रिट दायर भएको हो। गिरीको योग्यता नपुगेको भन्दै नरेश भट्टले दायर गरेको रिट यसअघि सर्वोच्चका मुख्य रजिष्टारले असार ९ गते दरपिट गरेका थिए।
निवेदन दरपिट गरेको विषयमा वरिष्ठ अधिवक्ता डा. सुरेन्द्र भण्डारी रिट निवेदन लिएर इजलासमा गएका थिए।
सर्वोच्चका न्यायाधीश विश्वम्भरप्रसाद श्रेष्ठ र सुष्मलता माथेमाको संयुक्त इजलासले मुख्य रजिष्टारको दरपिठ गर्ने आदेश नमिलेको भन्दै रिट निवेदन दर्ता गरी नियमानुसार पेश गर्न आदेश दिएपछि निवेदन दर्ता भएको हो।
सार्वजनिक सरोकारको उक्त विषय न्यायिक रोहमा विचार गर्नु पर्ने देखिएको आदेशमा उल्लेख छ।
यसअघि असारमै न्यायाधीश तेजबहादुर केसीको एकल इजलासले उक्त निवेदन दरपिठ गर्नुको आधार र कारण पेश गर्न आदेश गरेको थियो।
आयोगको उपाध्यक्ष बन्न २० वर्षको अनुभव आवश्यक पर्ने भनिएकोमा गिरीको योग्यता नपुगेको भन्दै रिट निवेदनमा उक्त नियुक्ति खारेजको माग गरिएको छ।
चिकित्सा शिक्षा आयोगको उपाध्यक्षमा गिरी