काठमाडौं– नेपाली सेनाले इन्डोनेसियाबाट खरिद गरेको विमानले आइतबारदेखि उडान सुरु गर्ने भएको छ।
सैनिक प्रवक्ता सहायक रथी सन्तोषवल्लभ पौडेलले आइतबारदेखि विमानले उडान सुरु गर्न लागेको जानकारी दिएका छन्।
‘१०० घन्टाको परीक्षण उडान सफलतापूर्वक सम्पन्न भएको छ’, प्रवक्ता पौडेलले भने, ‘अब विमानले नियमित उडान गर्नेछ।’
विमान सेनाले मालसामान ढुवानी, भीआईपी सवारी तथा प्राकृतिक विपतका बेला राहत तथा उद्धारका समयमा प्रयोग गर्नेछ।
एनए–०६२ कलसाइन राखिएको उक्त विमान ९ महिनाअघि इन्डोनेसियाबाट नेपाल ल्याइएको थियो।
तीन अर्बमा किनिएको विमान यात्रु ओसार्न पनि प्रयोग गर्न सकिने नेपाली सेनाले जनाएको छ।
विभिन्न सैन्य तालिममा पनि प्रयोग गर्न सकिनेछ।