विराटनगर–प्रदेश १ मा विहिबार ६६ जना कोरोना संक्रमित थपिएका छन् ।
मोरङमा २४, सुनसरीमा १९, इलाममा १५, झापामा ८ जनामा कोरोना संक्रमण देखिएको सामाजिक विकास मन्त्रालयले जनाएको छ ।
विराटनगरमा ११ पुरुष १० महिला, बेलबारीमा २ र रंगेलीमा १ पुरुष, सुनसरीको धरानमा ११ पुरुष, ३ महिला, इटहरीमा ४ पुरुष १ महिला, इलामको इलाम नगरपालिकामा १५ पुरुष, झापाको मेचीनगरमा ७ पुरुष, १ महिलाको कोरोना रिपोर्ट पोजेटिभ आएको सामाजिक विकास मन्त्रालयले जनाएको छ ।
प्रदेश १ मा कोरोना संक्रमितको संख्या १ हजार २ सय ५५ पुगेको छ । प्रदेश १ मा विहिबार अहिले सम्मकै सवैभन्दा बढी संक्रमण पुष्टि भएको हो ।
प्रदेश १ मा विहिबार १८ जना डिस्चार्ज भएका छन् । पूर्वाञ्चल विश्वविद्यालय कोभिड १९ आईसोलेसन अस्पताल गोठगाउँबाट १२ र वीपी कोइराला स्वास्थ्य विज्ञान प्रतिष्ठान धरानबाट ६ जना डिस्चार्ज भएका छन् ।
डिस्चार्ज हुनेमा झापाका ९, मोरङका ६, धनकुटा, सुनसरी र पाँचथरका १–१ जना रहेका छन् । प्रदेश १ मा डिस्चार्ज हुनेको संख्या ९ सय ५ पुगेको छ ।
प्रदेश १ मा विहिबार १ हजार ५४ जनाको पीसीआर परीक्षण भएको छ । परीक्षण गरिएका मध्ये १५ महिला र ५१ पुरुषको रिपोर्ट पोजेटिभ आएको मन्त्रालयले जनाएको छ ।
६ जिल्ला कोरोनामुक्त
प्रदेश १ मा ६ जिल्ला कोरोनामुक्त भएका छन् । १४ जिल्ला मध्ये ६ जिल्ला कोरोनामुक्त भएका हुन् । विहिबारसम्म तेह्रथुम, संखुवासभा, खोटाङ, भोजपुर, पाँचथर र धनकुटा जिल्ला कोरोनामुक्त भएको सामाजिक विकास मन्त्रालयले जनाएको छ ।