मंगलबार, कात्तिक ४, २०७७

समाचार

बालुवाटारमा ओली–दाहाल छलफल, मन्त्रिपरिषद् पुनर्गठन यसै साता

1599802408dahal_oli.jpg

काठमाडौं– नेकपाको आइतबार बसेको सचिवालय बैठकले मन्त्रिपरिषद् पुनर्गठनका लागि छलफल अघि बढाएपछि प्रधानमन्त्री केपी शर्मा ओलीले पनुर्गठनको तयारी अघि बढाएका छन्।

मन्त्रिपरिषद् पुनर्गठनकै विषयमा सोमबार पार्टी अध्यक्षसमेत रहेका प्रधानमन्त्री ओली र नेकपा कार्यकारी अध्यक्ष पुष्पकमल दाहालबीच भेटवार्ता भएको छ।

‘उहाँहरुबीच बालुवाटारमा करिब ४५ मिनेट छलफल भएको छ,’ स्रोतले भन्यो, ‘हिजोको सचिवालय बैठकमा भएको छलफलमै केन्द्रीत भएको छ।’

स्रोतका अनुसार ओली र दाहालबीच मंगलबार बस्ने पार्टीको सचिवालयको बैठकपछि मन्त्रिपरिषद् पुनर्गठन गर्ने सहमति भएको छ। भोलिको सचिवालय बैठकले मन्त्रिपरिषद् पुनर्गठनका लागि आवश्यक मापदण्ड तयार गर्नेछ।

त्यसपछि उक्त मापदण्डकै आधारमा प्रधानमन्त्रीले मन्त्रिपरिषद् पुनर्गठन गर्नेछन्। बालुवाटार स्रोतका अनुसार यही साताभित्रमा मन्त्रिपरिषद् पुनर्गठन भइसक्ने छ।

आइतबार नेकपाको पार्टी कार्यालय रहेको पेरिसडाँडामा सचिवालयको बैठक बसेको थियो। उक्त बैठकमा मन्त्रिपरिषद् पुनर्गठनका सम्बन्धमा विभिन्न विकल्पहरुमा छलफल भएको थियो।

प्रतिक्रिया दिनुहोस्