मंगलबार, कात्तिक ४, २०७७

खेलकुद

आईपीएल २०२० : सुपर ओभरमा दिल्लीले पञ्जाबलाई हरायो

1600645528Delhi-1.jpg

काठमाडौं– यूएईमा जारी आईपीएलको दोस्रो म्याच सुपर ओभरमा सकिएको छ।

सुपर ओभरमा दिल्ली क्यापिटल्सले ६ बलमा ३ रन बनाउनुपर्ने थियो। मोहम्मद शमीले एक वाइड फ्याँके र त्यसपछि ऋषभ पन्तले दुई रन दौडेर टिमलाई जित दिलाए।

यसअघि सुपर ओभरमा किंग्स इलेभेन पञ्जाबले दुई विकेट गुमाएर दुई रन बनाएको थियो।

दिल्लीले टस जितेर बलिङ रोज्दै २० ओभरमा ८ विकेट गुमाएर १५७ रन बनाएको थियो। १५८ रनको लक्ष्य पाएको पञ्जाबले पनि पूरै ओभर खेल्दै ८ विकेट नै गुमाएर १५७ रन बनायो।

पञ्जाबका लागि मयंक अग्रवालले सबैभन्दा धेरै ६० बलमा ८९ रन बनाएका थिए। उनी टिमलाई जित दिलाउनबाट एक रनमात्रै चुके।

आखिरी ओभरमा पञ्जाबले ६ बलमा १३ रन बनाउनुपर्ने थियो। दिल्लीका मार्कस स्टोइनिसले आखिरी २ बलमा मयंक र क्रिस जोर्डनलाई आउट गर्दै म्याचलाई सुपर ओभरमा धकेलिदिए।

 

प्रतिक्रिया दिनुहोस्