विदेश समाचार

आइसोलेसनको नियम नमान्नेलाई बेलायतमा १५ लाख जरिवाना हुने

1600600656boris.jpg

एजेन्सी- कोरोना भाइरसको महामारीका बीच संक्रमित वा कन्ट्याक्ट ट्रेसिङमा परेका व्यक्तिले आफूलाई आइसोलेट नगरेमा (छुट्टै नबसेमा) त्यस्ता व्यक्तिलाई १० हजार पाउण्ड ( करिब १५,१४,८०० रुपैयाँ) जरिवाना गरिने भएको छ।

agrakhi
Yeti parketing
honda

बेलायत सरकारको नियम अनुसार यदि कोही व्यक्तिलाई कोरोना भाइरसको संक्रमण भएको छ वा कुनै संक्रमितसँगको सम्पर्कमा रहेको पुष्टि भएको छ भने त्यस्ता व्यक्ति अरुको सम्पर्कमा नपुगेर अलग्गै रहनुपर्ने छ।

यो नियम २८ सेप्टेम्बरबाट लागू हुनेछ। त्यस्तै बेलायत सरकारले देशका न्यून आय भएका नागरिकलाई मासिक ५०० पाउण्ड (करिब ७५,७४० रुपैयाँ) दिने भएको छ।

यदि आइसोलेट भएका व्यक्तिविरुद्ध कार्यालय वा मालिकले कुनै कदम उठाएमा पनि जरिवाना गरिने बेलायत सरकारले निर्णय गरेको छ।

दोस्रो पटक कोरोना संक्रमितको संख्या बढ्न थालेपछि बेलायतले नयाँ नियम ल्याएको हो।

प्रतिक्रिया दिनुहोस्