काठमाडौं- पोल्याण्ड पठाइदिन्छु भन्दै १७ लाख रुपैयाँ ठगी गरेको आरोपमा प्रहरीले एक महिलालाई पक्राउ गरेको छ।
पक्राउ पर्नेमा चितवन गर्दीकी ४० वर्षीया कमला कुमारी थापा छन्।
उनलाई चितवनबाट महानगरीय अपराध महाशाखाको टोलीले पक्राउ गरेको प्रहरी जनाएको छ।
लक्ष्मी देवकोटासमेतले पोल्याण्ड पठाइदिन्छु भन्दै कमलाले १७ लाख रुपैयाँ ठगी गरेर फरार रहेको गत मंसिरमा महाशाखामा उजुरी दिएका थिए।
कमलालाई आवश्यक अनुसन्धान र कारबाहीको लागि महानगरीय प्रहरी परिसरको जिम्मा लगाइएको महाशाखाले जनाएको छ।