गुल्मीको रुरुमा पहिरोले घर पुर्दा एकै परिवारका चारजनाको मृत्यु

गुल्मीको रूरू गाउँपालिका–५ आरीपाटामा पहिरोले घर पुरिँदा चार जनाको ज्यान गएको छ।

घरमाथिको ठूलो ढुंगा खस्दा स्थानीय बिना माझीको घर पुरिएको गुल्मीका प्रमुख जिल्ला अधिकारी भरत शर्माले जानकारी दिए।

प्रजिअ शर्माका अनुसार पहिरोमा नाबालिका छोरा छोरी ३ जना र आमा परेका छन्। तीनजनाको शव भेटिएको छ।

रातको समय भएकोले उद्धारमा कठिनाइ भएको प्रजिअ शर्माले बताए।