नक्कली सुन प्रकरण : दरबारमार्गका डिएसपी दाहाल जिम्मेवारीबाट हटाइए

काठमाडौं- दरबारमार्ग प्रहरी वृत्तका प्रमुख डिएसपी रञ्जन दाहाल जिम्मेवारीबाट हटाइएका छन्।

१५ किलो नक्कली सुनको झोला फ्याँकेर स्कारर्पियो उम्किएको घटनामा कार्य क्षमातामाथि प्रश्नचिन्ह उठाउँदै दाहाललाई सोमबार प्रहरी एकेडेमीमा काज सरुवा गरिएको छ।

दाहालमाथि वास्तविक घटनास्थल लुकाएको आरोपसमेत लागेको छ। प्रहरीले कमलादीमा घटना भएको बताए पनि अनुसन्धानमा सुन्धारा घटनास्थल देखिएको प्रहरी स्रोतले बताउँदै आएको छ।

फरार भनिएको बा ६ च ५५१९ स्कर्पियो ललितपुरको नख्खिपोटस्थित एक निर्माणधीन घरको कम्पाउन्डमा छोपेर राखेको अवस्थामा घटनाको दुई दिनपछि फेला परेको छ।

स्कार्पियोबाट फ्याँकिएको भनिएको झोलामा सुनले लेपन गरिएको साढे १४ किलोग्राम चाँदी, आधा केजी सुन र दुईवटा पेस्तोल भेटिएको थियो।

प्रहरीले गठन गरेको छानविन समितिले घटनाको अनुसन्धान गरिरहेको छ।