वीरगन्जस्थित नारायणी अस्थायी कोभिड अस्पताल गण्डकमा आइतबार बिहान मृत्यु भएका वृद्धमा कोरोना संक्रमण पुष्टि भएको छ।
वीरगन्ज आदर्शनगर निवासी ६५ वर्षीय वृद्धको उपचारको क्रममा आइतबार बिहान मृत्यु भएको थियो। मृत्युपछि स्वाब संकलन गरी नारायणी अस्पतालको प्रयोगशालामा गरिएको परीक्षणमा उनको रिपोर्ट पोजेटिभ आएको कोरोना अस्पतालका इन्चार्ज डा. निरज सिंहले जानकारी दिए ।
मुटु तथा मधुमेह रोगले ग्रसित ती वृद्धलाई श्वासप्रश्वासमा समस्या देखिएपछि नारायणी अस्पतालको इमर्जेन्सी वार्डमा राखी उपचार गर्नुको साथै आरडीटी चेक गर्दा कोरोना संक्रमण पोजेटिभ देखिएको थियो। त्यसपछि उनलाई तत्काल नारायणी अस्थायी कोभिड अस्पताल गण्डकमा भर्ना गरिएको थियो ।
उनले आदर्शनगरमा व्यापार सञ्चालन गर्दै आएका थिए। मृतक भारतीय नागरिक हुन्।