बुधबार, कात्तिक १२, २०७७

Happy Dashain
विचित्र दुनिया

माखो मार्ने चक्करमा जब घरै जल्यो

1599471647Makho.jpg

एजेन्सी- फ्रान्समा एक व्यक्तिले एउटा माखो (झिंगो) मार्ने प्रयासमा घरै जलाएका छन्।

दोर्दोनमा बस्ने ८० वर्षीय एक वृद्ध राति खाना खान बसेका थिए त्यसैबेला एउटा झिंगो भुनभुनाउँदै आइपुग्यो र उनलाई तनाव दियो।

त्यसपछि उनले किरा मार्न प्रयोग हुने ‘इलेक्ट्रक्सि र्‍याकेट’ उठाएर झिंगा मार्ने प्रयास गरे।

तर त्यो समयमा उनको घरमा ग्यास लिक भएको रहेछ, इलेक्ट्रिक र्‍याकेटले निकालेको झिल्कोले आगो सल्कियो।

त्यो आगोले उनको भान्सा जल्यो र भान्साबाट निस्किएको आगोको मुस्लोले घरका अधिकांश भाग जले।

तर भाव्यवश उनी भने बच्न सफल भए। हात थोरै जले पनि उनी सुरक्षित रुपमा भाग्न सफल भएको स्थानीय सञ्चारमाध्यमहरुले जनाएका छन्।

घर जलेपछि उनी एउटा क्याम्पमा बसिरहेका छन्। उनको घर मर्मतको काम भइरहेको छ। बीबीसी

प्रतिक्रिया दिनुहोस्