अभिनेता राजेश हमालका भाइको भारतमा निधन

अभिनेता राजेश हमालका भाइको उपचारको क्रममा भारतको नयाँ दिल्लीमा निधन भएको छ ।

कलेजोको प्रत्यारोपण गरिएका राजेशका भाइ राकेश हमालको विगत केही समयदेखि उपचार हुँदै आएको थियो । उपचारकै क्रममा उनको निधन भएको हो ।

राकेशको निधनबारे राजेश हमालले सामाजिक सञ्जालमा जानकारी दिएका छन् । उनले भाइलाई काकु भनेर सम्बोधन गरी उनको आत्माको शान्तिको कामना गरेका छन् ।

राजेशका भाइ राकेश नेपाल सरकार महिला बालबालिका तथा जेष्ठ नागरिक मन्त्रालय, समाज कल्याण परिषद मार्फत सञ्चालित राष्ट्रिय अपांग कोषका पूर्व सभापति पनि थिए ।