पार्टी एक भएको साढे ४ महिनापछि आज दल दर्ता गर्दै राप्रपा

काठमाडौं- दुई पार्टी एक भएको करिब साढे ४ महिनापछि राष्ट्रिय प्रजातन्त्र पार्टी (राप्रपा) ले आज (बुधबार) दल दर्ता गर्ने भएको छ ।

दिउँसो साढे एक बजे निर्वाचन आयोगमा पुगेर दल दर्ता गर्ने पार्टीका नेता मोहन श्रेष्ठले जानकारी दिए। पार्टीका तिनै अध्यक्ष कमल थापा, पशुपतिशम्शेर राणा र प्रकाशचन्द्र लोहनीसहितका नेताहरु निर्वाचन आयोगमा पुगेर दल दर्ता गरिने उनले बताए ।

राप्रपा र राप्रपा संयुक्त बीच गत फागुन २८ गते औपचारिक पार्टी एकता भएको थियो। गत जेठ २९ गते केन्द्रीय कार्य समिति विस्तार गरेको छ।

पार्टी एकता भए लगत्तै मुलुक कोरोनाको महामारीमा फसेका कारण पार्टी दर्ता गर्न ढिला भएको राप्रपाले जनाएको छ । दल दर्ता भएसँगै पार्टी एकताको काम तिब्र गतिमा टुङ्याइने नेताहरुले बताएका छन् ।