गण्डकी प्रदेशमा कोरोना संक्रमित पुरुषभन्दा महिला बढी, कुन जिल्लामा कति ?
संक्रमितमध्ये पुरुष १ हजार १५८ छन् भने महिला १६२ छन् । कुल संक्रमितको संख्यामध्ये सक्रिय केस २९६ छन् भने निको भएर घर फिर्ता हुनेको संख्या प्रदेशमा १ हजार २० पुगेको छ । कोरोनाका कारण हालसम्म प्रदेशमा ४ जनाको मृत्यु भएको छ ।
प्रदेशमा सबैभन्दा बढी संक्रमित नवलपरासी पूर्वमा भेटिएका छन् । त्यहाँ संक्रमितको संख्या २ सय ५८ पुग्दा निको भएर घर फिर्ता हुनेको संख्या १ सय ५७ छ । सक्रिय केस १ सय ४१ रहेको स्वास्थ्य निर्देशनालय सोमबार बेलुका जारी गरेको विज्ञप्तिमा उल्लेख गरिएको छ ।
बाग्लुङ जिल्लामा संक्रमित संख्या २ सय २३ पुग्दा निको भएर घर फिर्ता हुनेको संख्या २ सय ३ रहेको छ । जिल्लामा कोरोनाका कारण एक जनाको मृत्यु भएको छ भने सक्रिय केस १९ छन्। स्याङजा जिल्लामा १ सय ९८ जना कोरोना संक्रमित संख्या हुँदा निको भएर फिर्ता हुनेको संख्या
१ सय ८२ छ । सक्रिय केस संख्या १० छ भने कोरोनाका कारण स्याङजामा अहिलेसम्म दुई जनाको मृत्यु भएको छ ।
कोरोना संक्रमितको संख्या तनहुँ जिल्लामा हालसम्म १ सय ७३ पुगेको छ । जसमध्ये निको भएर घर फिर्ता हुनेको संख्या १ सय ३७ छ । सक्रिय केस ३६ छन् । गोरखा जिल्लामा संक्रमितको संख्या १ सय २ पुग्दा निको हुनेहरुको संख्या ९० पुगेको छ । कोरोना भाइरसका कारण गोरखामा एक जनाको मृत्यु भएको छ भने सक्रिय केस संख्या ११ रहेको छ ।
यस्तै, कास्की जिल्लामा ९९ जनामा कोरोना संक्रमण फेला पर्दा निको भएर घर फिर्ता हुनेहरुको संख्या ८० रहेको छ । जिल्लामा सक्रिय केस संख्या १९ रहेको स्वास्थ्य निर्देशनालयले जानकारी गराएको छ । पर्वतमा कोरोना संक्रमितको संख्या ९६ पुगेको छ । जसमध्ये निको हुनेहरुको संख्या ९१ छ । सक्रिय केस संख्या मात्र ५ रहेको छ ।
लमजुङमा कोरोना संक्रमितको संख्या अहिलेसम्म ९३ पुगेको छ । निको भएर जानेहरु ४४ जना रहेका छन् । बाँकी ४९ जना सक्रिय केस हुन् । म्याग्दी जिल्लामा कोरोना भाइरस संक्रमितको संख्या ४० पुगेको छ ।
जसमध्ये निको भएर घर फिर्ता हुनेको संख्या ३४ छ भने सक्रिय केस संख्या ६ रहेको छ । मनाङ र मुस्ताङ जिल्लामा एक एक जना संक्रमित संख्या भेटिएका छन् । उनीहरु निको भएर घर फिर्ता भइसकेको स्वास्थ्य निर्देशनालयले बताएको छ ।