काठमाडौं- सुदूरपश्चिम प्रदेशमा माधव कुमार नेपालको नेकपा (एकीकृत समाजवादी)का दुई मन्त्रीले शपथ लिएका छन्।
मुख्यमन्त्री त्रिलोचन भट्टले एकीकृत समाजवादीका तारा तामाङलाई आर्थिक मामिला र माया तामाङ बोहरालाई आर्थकि मामिला राज्यमन्त्रीमा नियुक्त गरेपछि उनीहरूले शुक्रबार साँझ शपथ ग्रहण गरेका हुन्।तामाङलाई प्रदेश प्रमुख गंगाप्रसाद यादवले र बोहरालाई मुख्यमन्त्री भट्टले शपथ गराए।
तामाङ तत्कालीन नेकपा एमालेबाट कञ्चनपुरबाट निर्वाचित सांसद हुन् भने बोहरा बझाङबाट समानुपातिक सांसद हुन्।
सुदूरपश्चिममा एमाले विभाजनपछि एकीकृत समाजवादी १४ सांसदसहित सबैभन्दा ठूलो दल बनेको छ।
माओवादी नेतृत्वको सरकारमा एकीकृत समाजवादी सहभागी छ। प्रदेशसभामा एकीकृत समाजवादीका १४, माओवादी केन्द्रका १३, नेपाली काँग्रेसका १२, नेकपा एमालेका १०, जसपा र लोसपाका एक/एक जना सांसद छन्।