एजेन्सी– इटालियन सिरी ए अन्तर्गत गएराति सम्पन्न खेलमा शीर्षस्थानको युभेन्टस एसी मिलानसँग ४–२ गोल अन्तरले पराजित भएको छ। मिलानको गिउसिप्पे मेइजा रंगशालामा सम्पन्न खेलमा पाहुना टोलीले पराजय भोगेको हो।
खेलको पहिलो हाफ गोलरहित बराबरीमा रोकिएपछि सबै गोल दोस्रो हाफमा सम्भव भयो। ४७ औं मिनेटमा एड्रियन राविओटले गोल गर्दै पाहुना टोलीलाई अग्रता दिलाएका थिए। त्यसको ६ मिनेट नबित्दै क्रिस्टियानो रोनाल्डोले गोल गरेर अग्रतालाई दोब्बर बनाए।
तर मिलान ६२ औं मिनेटमा पेनाल्टीमा पाएको अवसरको सदुपयोग गर्दै खेलमा फर्कियो। जलाटान इब्रहिमोबिचले पेनाल्टमा गोल गरेको ४ मिनेटमै फ्रांक केसेइले गोल गरेर खेललाई बराबरीमा ल्याए।
त्यसपछि पनि घरेलु टिमले दुई गोल थप्यो। राफेल लिआओले ६७ औं मिनेटमा र एन्टे रेविकले ८० औं मिनेटमा गोल गरेपछि मिलानले ४–२ गोल अन्तरले खेल आफ्नो पोल्टामा पार्यो।
जितसहित ४९ अंकका साथ मिलाल अंकतालिकाको पाँचौ स्थानमा छ। एक खेल कम खेलेका रोमा र नेपोली समान ४८ अंकका साथ छैटौं र सातौं स्थानमा छन्।
यता हारका बाबवजुद युभेन्टस ७५ अंकका साथ शीर्षस्थानमा छ। ऊ दोस्रोस्थानको लाजियोभन्दा ७ अंकले अगाडि छ।
सिरी एमा आज हुने खेलः
जिओना र नेपाली, राति सवा ११ बजे
फियोरेन्टिना र क्यलिग्री, राति सवा ११ बजे
एटलान्टा र साम्प्दोरिया, राति साढे १ बजे
बोलोग्ना र सासउलो, राति साढे १ बजे