बुधबार, कात्तिक १२, २०७७

Happy Dashain
विचित्र दुनिया

लकडाउनको कमाल : घुम्दाघुम्दै भेट, प्रेम अनि बिहे

1598170420India.JPG

एजेन्सी- प्रेम कसरी, कोसँग, कहाँ हुन्छ कुनै टुंगो हुँदैन।

स्पेनका युवक र अमेरिकी युवती घुमघामको शिलशिलामा केही समयअघि भारत पुगेका थिए। दिल्लीमा उनीहरुको भेट भयो, दोस्ती भयो। सँगै घुम्न लागे। एकअर्कालाई मन पराउन थाले। अन्ततः बिहे गर्ने निर्णयमा पुगे।

उत्तराखण्डको रुद्रप्रयागबाट २६ किलोमिटर टाढा बाँसवाडामा गाउँलेहरुको सहयोगमा उनीहरुले हिन्दु रीतिरिवाजअनुसार बिहे गरेका छन्।

यो विदेशी जोडीको सात समुद्र पारी बिहे गर्नु एउटा रोचक ‘लभ स्टोरी’ सहित संयोग पनि बन्यो।

भारत घुमघाम गर्दागर्दै कोरोना भाइरसको महामारीका कारण लकडाउन भयो। लकडाउनकै बीचमा उनीहरुको भेट भयो। भेट भएपछि सँगै घुम्न थाले। विस्तारै विस्तारै दुबैजनाको पैसा सकिन लाग्यो। त्यसपछि उनीहरु पैदल घुम्न लागे। यो बीचमा उनीहरुको घनिष्ठता विस्तारै झाँगिदै गयो।

झाँगिएको घनिष्ठता प्रेममा रुपान्तरित हुँदै बिहेसम्म पुग्यो।

लकडाउनको समयमा खाने बस्ने ठेगान नभएका उनीहरु हिँड्दा हिँड्दै जहाँ पुग्थे त्यतै सस्तो खालको होटेल वा घर खोजेर बास बस्थे। गत हप्ता उनीहरु ऋषिकेश पुगे।

बुधबार रुद्रप्रयाग हुँदै बाँसवाडा पुगे। त्यहाँ उनीहरुले एक सामाजिक कार्यकर्तासँग भेट भए। उनीहरुले आफूहरु प्रेममा परेको भन्दै बिहेका लागि इच्छुक भएको कुरा सुनाए। सामाजिक कार्यकर्ता अमित सजवाणको नेतृत्वमा स्थानीयहरुले उनीहरुको बिहेका लागि सहयोग जुटाए।

सेजल नामका स्पेनिस युवक पेशाले व्यवसायी हुन्। अमेरिकी युवती मेरिक आफ्नो पढाई पुरा गरेर भारत घुम्न पुगेकी हुन्। आजतक

हिंदू रीति-रिवाज से हुई सीजल-मेरिक की शादी (Photo Aajtak)

हिंदू रीति-रिवाज से हुई सीजल-मेरिक की शादी (Photo Aajtak)

हिंदू रीति-रिवाज से हुई सीजल-मेरिक की शादी (Photo Aajtak)

प्रतिक्रिया दिनुहोस्