काठमाडौं- नेकपा एमालेका अध्यक्ष केपी शर्मा ओलीले आफूहरू मौरी भएको तर माधव नेपाललगायतका नेताहरू 'झिँगा'भएको कटुटिप्पणी गरेका छन्। एमाले काठमाडौंले आयोजना गरेको कार्यक्रममा ओलीले यस्तो कटाक्ष गरेका हुन्।
'मौरीको संगत गरे, मौरीको पछि लागे फुलबारी पुगिन्छ। झिँगाको संगत गरे फोहोरका डंगुरमा पुगिन्छ। एमाले मौरी हो। मोरीले जहाँबाट पनि पवित्र मह बनाउँछ। झिँगाले रोग मात्र फैलाउँछ,' उनले भने।
माधव नेपालले जनताको भविष्यमाथि खेलबाड गरेको उनको आरोप थियो। 'आफ्ना स्वार्थका लागि दुनियाँका भविष्यमाथि खेलबाड गर्ने? इगोका लागि उहाँ (माधव नेपाल)ले जे पनि गर्नुहुन्छ। उहाँ त पार्टी चलाइसक्नुभएको छ। महासचिव भइसक्नुभएको छ। उहाँले के पाउन बाँकी छ अब? तर जनताको भविष्यमाथि खेलबाड गर्ने?,' उनको भनाइ थियो।