एजेन्सी– इंग्लिस प्रिमियर लिग(ईपीएल) अन्तर्गत गएराति सम्पन्न खेलमा हार बेहोरेसँगै म्यान्चेस्टर सिटी उपाधि होडबाट बाहिरिएको छ।
चेल्सीको मैदान स्ट्यामफर्ड ब्रिज रंगशालमा २–१ गोलअन्तरले घरलु टिमसँग हार बेहोरेपछि ऊ उपाधि होडबाट बाहिरिएको हो।
उता साविकको युरोपा लिग विजेता चेल्सीका तर्फबाट क्रिस्टियन पुलिसक र विलियम्स ले एक–एक गोल गरे। खेलको ३६ औं मिनेटमा गोल गर्दै चेल्सीले खेलमा अग्रता बनाएको थियो। सो अग्रतासहित पहिलो हाफमा घरेलु टिम अघि रह्यो।
दोस्रो हाफको ५५ औं मिनेटमा सिटीका केभिन डि ब्रुनले गोल गर्दै खेललाई बराबरीमा ल्याए पनि ७८ औं मिनेटमा विलियमले गोल गर्दै घरेलु टिमलाई जिताए। विलियमले पेनाल्टीमा पाएको अवसरको सदुपयोग गर्दै गोल गरेका थिए।
हारका बाबजुद म्यन्चेस्टर सिटी ६३ अंकका साथ दोस्रो स्थानमा कायम छ। यता जित निकालेको चेल्सी ५४ अंकका साथ चौथो स्थानमा छ। चेल्सी तेस्रो स्थानको लेस्टर सिटीभन्दा एक अंक पछि रहेर लेस्टरलाई पछ्याइरहेको छ।
म्यान्चेस्टर सिटीले पछिल्लो दुई सिजन प्रिमियर लिगको उपाधि जितेको थियो। उसले गतसाल लिभरपुललाई एक अंकले हराउँदै लिगको उपाधि जितेको भए पनि यो वर्ष ७ खेल अगावै लिगको उपाधि होडबाट बाहिरियो।