नाै स्वास्थ्यकर्मीलाई कोरोना संक्रमण भएपछि सुर्खेत अस्पताल बन्द

सुर्खेत- प्रदेश अस्पताल सुर्खेतमा कार्यरत ९ जना स्वास्थ्यकर्मीमा कोरोना भाइरस संक्रमण देखिएको छ।

प्रदेश अस्पताल सुर्खेत र पशुपन्छी रोग अन्वेषण प्रयोगशालामा गरिएको पीसीआर परीक्षणपछि उनीहरुमा कोरोना संक्रमण पुष्टि भएको अस्पतालले जनाएको छ।

एकै पटक ठूलो संख्यामा स्वास्थ्यकर्मीलाई कोरोना संक्रमण देखिएपछि आकस्मिकबाहेकका सबै सेवा बन्द गरिएको अस्पतालका निर्देशक डा. डम्बर खड्काले जानकारी दिए। यसअघि असार ८ गते पनि अस्पतालका कार्यरत पाँच जना स्वास्थ्यकर्मीमा कोरोना संक्रमण देखिएको थियो।