आत्महत्या गरेका युवाको रिपोर्ट कोरोना पोजेटिभ

आत्महत्या गरेका दैलेखका एक व्यक्तिमा कोरोना पोजेटिभ देखिएको छ।

असार ९ गते घरमै झुण्डिएर आत्महत्या गरेका दुल्लु नगरपालिका–१० छुवालाका २१ वर्षीय युवाको पीसीआर रिपोर्ट पोजेटिभ आएको नगर प्रमुख घनश्याम भण्डारीले जानकारी दिए ।

दुल्लु अस्पतालका चिकित्सकले स्वाब परीक्षण गरेपछि मात्रै पोष्टमार्टम गर्न मृतक युवाको स्वाब संकलन गरी परीक्षणका लागि सुर्खेत पठाइएको थियो। सुर्खेतको पशुपन्छी रोग अन्वेषण प्रयोगशालामा गरिएको पीसीआर परीक्षणले कोरोना संक्रमण पुष्टि गरेको भण्डारीले जनाए ।

उनी गत जेठ ११ गते भारतबाट गाउँ फर्किएका थिए। पञ्चकोशी माध्यमिक विद्यालय गमौडीमा क्वारेन्टिनमामा बसेका उनको आरडीटी रिपोर्ट नेगेटिभ आएपछि असार ७ गतेमात्रै घर पठाइएको थियो ।