प्रदेश १ मा १३ कोरोना संक्रमित थपिए

विराटनगर– प्रदेश १ मा बुधबार १३ जना संक्रमित थपिएका छन्। योसँगै प्रदेश १ मा कोरोना संक्रमितको संख्या ४ सय ९६ पुगेको छ।

झापामा ११, मोरङ र सुनसरीमा १–१ जनामा संक्रमित भएका छन्। सामाजिक विकास मन्त्रालयका अनुसार झापाको मेचीनगरमा १०, शिवसताक्षीमा १, मोरङको कटहरीमा १ र सुनसरीको हरिनगरमा १ जनामा संक्रमण देखिएको छ।

प्रदेश १ बाट २ सय ८७ जना डिस्चार्ज भएका छन्। बुधबार २ जना डिस्चार्ज भएका छन्। बीपी कोइराला स्वास्थ्य विज्ञान प्रतिष्ठान धरानमा उपचाररत २ जना डिस्चार्ज भएको सामाजिक विकास मन्त्रालयले जनाएको छ।

प्रदेश १ मा बुधबारसम्म २० हजार ५ सय २ जनाको स्वाब संकलन गरिएको छ। स्वाब संकलन गरिएकामध्ये १८ हजार ६ सय १८ जनाको रिपोर्ट नेगेटिभ आएको छ। १ हजार ३ सय ८८ जनाको रिपोर्ट आउन बाँकी रहेको सामाजिक विकास मन्त्रालयले जनाएको छ।