एजेन्सी– स्पोनिस ला लिगामा बार्सिलोनाले एथ्लेटिक क्लबविरुद्ध संघर्षपूर्ण जित निकालेको छ। बार्सिलोनाको क्याम्प नाउ रंशगालामा सम्पन्न खेलमा पाहुना टोली १–० को झिनो गोलअन्तरले पराजित भयो।
प्रतिस्पर्धात्मक खेलको पहिलो हाफ गोलरहित बराबरीमा रोकिएको थियो। दोस्रो हाफको ७१ औं मिनेटमा इभान राकिटिकले गोल गरे। फरवार्ड मेस्सीको पासमा उनले निर्णायक गोल गरेका हुन्।
जितसँगै क्याटालान क्लब बार्सिलोना फेरि ला लिगाको शीर्ष स्थानमा आएको छ। एक खेल कम खेलेर ६५ अंक बनाएको रियल मड्रिडलाई पछि पार्दै बार्सिलोनाले ६८ अंक बनाएको छ।
मड्रिडले आज रातिको खेलमा मायोर्कालाई हराउन सके ऊ फेरि शीर्ष स्थानमा आउने छ। अन्यथा मड्रिडलाई विजय यात्रामा धक्क लाग्न सक्नेछ।
यता गएरातिको खेलमा पराजित एथ्लेटिक क्लब ४२ अंकका साथ १० औं स्थानमा छ।
ला लिगामा आजका खेल
अलाभेस र ओसाना, राति सवा ११ बजे
रियल सोसिडाड र सेल्टा भिगो, राति सवा ११ बजे
रियल मड्रिड र मालोर्का, राति पौने २ बजे