एजेन्सी– सर्वियाका टेनिस स्टार नोभाक जोकोविच र उनकी श्रीमती जेलेनालाई कोरोना भाइरसको संक्रमण पुष्टि भएको छ।
टेनिस खेल्नका लागि दुई हप्ताअघि एड्रिया गएर फर्किएपछि जाँच गर्दा उनलाई कोरोना पुष्टि भएको हो।
प्रतियोगिता सर्वियाको बेल्ग्रादा र क्रोएसियाको जदरमा भएको थियो। तर ग्रिगर दिमित्रिभलाई कोरोना संक्रमण देखिएपछि फाइनल खेल भने रद्द गरिएको छ। प्रतियोगितामा सहभागी क्रोएसियाका बोर्ना कोरिक र बुल्गेरियाका भिक्टर ट्रइकीलाई पनि कोरोना पुष्टि भइसकेको छ।
प्रतियोगिताबाट बेल्ग्रादा फर्किसकेपछि टेस्ट गर्दा उनलाई पनि कोरोना संक्रमण देखियो। तर छोरा स्टेफन र छोरी टारालाई भने संक्रमण देखिएको छैन।
जोकोविचले जारी गरेको विज्ञप्तिमा भनिएको छ, ‘बेल्ग्रादा पुग्नेबित्तिकै हामी कोरोना टेस्टका लागि गयौँ। मेरो र जेलेनाको रिजल्ट पोजेटिभ आयो। हाम्रो सन्तानको भने नेगेटिभ आएको छ।’