प्रदेश १ मा २० जना कोरोना संक्रमित थपिए

विराटनगर– प्रदेश १ मा मंगलबार २० जना कोरोना संक्रमित थपिएका छन् । १० महिला र १० पुरुषमा कोरोना संक्रमण देखिएको हो ।

सामाजिक विकास मन्त्रालयका अनुसार मोरङमा २, झापामा १४, सुनसरीमा ३ र ओखलढुंगामा १ जनामा संक्रमण देखिएको छ । मोरङको विराटनगर र सुन्दरहरैचामा १–१ जनामा संक्रमण देखिएको छ । झापाको मेचीनगर नगरपालिकामा ३, बुद्धशान्तिमा ६, हल्दीबारीमा २, कचनकवलमा १ र विर्तामोडमा २ जना रहेका छन् ।

त्यसैगरि सुनसरीको धरानमा २, कोशी गाउँपालिकामा १ र ओखलढुंगामा १ जनामा कोरोना पोजेटिभ रिपोर्ट आएको सामाजिक विकास मन्त्रालयका प्रवक्ता डा.सुरेश मेहताले जानकारी दिए ।

प्रदेश १ मा २० जना थपिएसँगै संक्रमितको संख्या ४ सय ८३ पुगेको छ ।