कोरोना संक्रमितको संख्या ८७ लाख नाघ्यो

विश्वभर कोरोना भाइरसबाट संक्रमित हुनेको संख्या ८७ लाख नाघेको छ। विश्व स्वास्थ्य संगठनका अनुसार हालसम्म विश्वमा कोरोना संक्रमितको संख्या ८७ लाख ८ हजार ८ पुगेको छ।

सबैभन्दा धेरै कोरोना संक्रमित हुने देशको सूचीमा पहिलो नम्बरमा अमेरिका छ भने दोस्रो नम्बरमा ब्राजिल। त्यसपछि क्रमशः रुस, भारत, बेलायत, स्पेन, इटली, पेरु, इरान, जर्मनी, टर्की, चिलीलगायत देश छन्।

कोरोनाका कारण हालसम्म ४ लाख ६१ हजार ७१५ संक्रमितको मृत्यु भइसकेको छ। चीनको वुहान गएको डिसेम्बर अन्तिममा सुरु भएको कोरोना भाइरसको संक्रमण विश्वका २१६ देशमा फैलिसकेको छ।