बंगलादेशका पाँच जना क्रिकेट खेलाडीलाई कोरोना संक्रमण

बंगलादेशका पाँच जना क्रिकेट खेलाडीलाई कोरोना भाइरसको संक्रमण पुष्टि भएको छ।

बंगलादेशी क्रिकेट टिमका पूर्व कप्तान मशराफी मुर्तजा, नाजमुल इस्लाम, नसिफ इकवाल लगायत अन्य दुई क्रिकेट खेलाडीलाई कोरोना संक्रमण पुष्टि भएको बीबीसीले जनाएको छ।

मुर्तजाले आफ्नो फेसबुक पेजमा लेखेका छन्, 'आज मेरो कोभिड–१९ को टेस्ट पोजेटिभ आयो । सबै जनता कृपया म चाँडो ठीक हुँ भन्ने प्रार्थना गर्नुस् ।'

संसद् सदस्यसमेत रहेका मुर्तजाले अबका केही दिन आइसोलेसनमा बिताउने छन्। यसअघि पाकिस्तानी क्रिकेट टिमका पूर्व कप्तान शाहिद अफ्रिदीलाई पनि कोरोना संक्रमण भएको थियो।