रोल्पामा २८ महिने बालिकालाई बलात्कार गरेको आरोपमा एक जनालाई प्रहरीले पक्राउ गरेको छ ।
त्रिवेणी गाउँपालिका–७ का ३८ वर्षीय एक व्यक्तिलाई प्रहरीले पक्राउ गरेको हो।
बालिकाकाका अभिभावकले दिएको उजुरीका आधारमा पक्राउ गरिएको रोल्पा प्रहरी प्रमुख चित्रबहादुर गुरुङले जानकारी दिए।
आरोपितले घटना स्वीकार गरेको प्रहरीले जनाएको छ। जेठ २९ गते बालिका बलात्कृत भएको अभिभावकले थाहा पाएपछि ३२ गते प्रहरीमा उजुरी दिएका थिए। बालिकाको अवस्था सामान्य रहेको प्रहरीले जनाएको छ ।
गुरुङले स्वास्थ्य परीक्षणको रिपोर्टपछि मात्र थप भन्न सकिने बताए।