वरिष्ठतालाई लत्याएर डिन नियुक्ति गरिएको भन्दै चिकित्सा शिक्षा क्षेत्र सुधारका अभियन्ता डा. गोविन्द केसीले आपत्ति जनाएका छन् ।
त्रिवि चिकित्साशास्त्र अध्यायन संस्थान (आईओएम)को डिन नियुक्तिमा वरिष्ठतालाई मिचेर डिन नियुक्त गरिएको भन्दै डा. केसीले विज्ञप्ति जारी गर्दै समन्धित पक्षलाई ध्यानाकर्षण गरेका छन् ।
बुधबारमात्रै त्रिवि कार्यकारी परिषद्ले प्रधानमन्त्री केपी शर्मा ओलीकी निजी चिकित्सक डा. दिव्या शाहलाई डिन बनाउने निर्णय गरेको थियो ।
आईओएमको नियुक्ति दलीय आधारमा भएको भन्दै डा. केसीले वरिष्ठताको आधारबिना भएको नियुक्ति सच्याउन माग गरेका छन् । यदि समन्धित पक्षले नसच्याएमा ओली–प्रचण्ड मनपरीतन्त्र विरुद्ध आन्दोलन गर्न बाध्य हुने उनले बताएका छन् ।
डा. केसीले हालको डिन तथा अब हुने नियुक्तिका कारण सिर्जना हुने कुनै पनि परिस्थितिका लागि प्रधानमन्त्री केपी ओलीको सरकार जिम्मेवार हुनुपर्ने चेतावनी पनि दिएका छन् ।