तिब्र रुपमा फैलिएको कोरोना भाइरसबाट रुसमा ४ सय ८९ जना चिकित्सकको मृत्यु भएको छ ।
रुसी सरकारी संस्था रोजद्रावनादजोरका अनुसार संक्रमणका कारण अहिलेसम्म यो संख्यामा चिकित्सकको मृत्यु भएको हो ।
पछिल्लो एक महिनाको बीचमा मात्रै ३ सय ८८ जना चिकित्सकको मृत्यु भएको छ भने त्यसअघि १ सय १ जना चिकित्सकको मृत्यु भएको थियो । सुरक्षा सामग्रीको वितरणमा समस्या हुनु नै यसको मुख्य कारण भएको रोजद्रावनादजोर जनाएको छ ।
कोरोनाबाट अति प्रभावित मुलुकको तेस्रो सूचीमा रहेको रुसमा अहिलेसम्म ५ लाख ६० हजार ३ सय २१ संक्रमित भएका छन् भने ७ हजार ६ सय ५० जनाको मृत्यु भएको छ ।