टिपर चालक चिनियाँ नागरिकको मृत्यु

टिपरमाथि माटोको ढिस्को खस्दा ङादी हाइड्रोपावरमा टिप्पर चालक एक चिनियाँ नागरिकको मृत्यु भएको छ।

मर्स्याङ्दी गाउँपालिका–६ नाईचेस्थित उक्त हाईड्रोपावरको ड्याम साईटमा सामान लैजाने क्रममा बा २ च ७१९८ नम्बरको टिपरमा माथिबाट माटोको ढिस्को खस्दा टिपरका चालक ४३ वर्षीय लुजियाङको मृत्यु भएको हो।

प्रहरीका अनुसार टिपरमा माथिबाट माटोको ढिस्को खस्दा गम्भीर घाइते भएका उनको मोडेल अस्पताल लमजुङमा उपचारको क्रममा मृत्यु भएको प्रहरीले जनाएको छ।

दुर्घटनामा घाइते भएका टिपरमा सवार चिनीयाँ नागरिक इन्जिनियर ३१ वर्षीय उवाओछीको सोही अस्पतालमा उपचार भइरहेको प्रहरीले जनाएको छ।