प्रधानमन्त्री केपी शर्मा ओलीले नेपाली जनताको रोग प्रतिरोधी क्षमता बढी रहेको पुनः दोहोर्याएका छन्।
राम्रो प्रतिरोधी क्षमता र प्रभावकारी उपचार विधिका कारण नेपालमा कोरोना भाइरसबाट धेरै मानिसको मृत्यु नभएको दाबी उनले गरे।
राष्ट्रियसभाको आजको बैठकमा प्रधानमन्त्री ओलीले अहिलेसम्म नेपालमा कोरोनाबाट २० जनाको मृत्यु भएको बताउँदै तर उनीहरुमध्ये अधिकांशको कोरोनाका कारण मृत्यु नभएको तर्क गरे।
अरु कारणले मृत्यु भएकाहरुमा पनि कोरोना संक्रमण देखिएपछि मृत्यु मान्नुपर्ने डब्लुचओको मापदण्डका कारण २० जनाको संख्या पुगेको उनको भनाइ थियो। उनले भने, ‘कोरोनाका कारण मृत्यु भएको यति होइन, भन्नु परेको मात्र हो ।’
२० जनाको मृत्यु पनि अरु धेरै देशको भन्दा कम भएको प्रधानमन्त्री ओलीले बताए।
हिमालयको चिसो पानी र जडिबुटी पर्याप्त खाएका कारण नेपालीहरुको रोग प्रतिरोधी क्षमता राम्रो भएको प्रधानमन्त्री ओलीले बारम्बार बताउने गरेका छन्।