काठमाडौं- कपिलवस्तुमा थप १६ जनामा कोरोना भाइरस (कोभिड १९) संक्रमण पुष्टि भएको छ। यससँगै कपिलवस्तुमा सन्क्रमितको संख्या ६७३ पुगेको छ।
थपिएका संक्रमितमध्ये शिवराज नगरपालिका वडा नम्बर ५ का एक पुरुष, वडा नम्बर ७ का दुई पुरुष र वडा नम्बर ९ का तीन पुरुष र एक महिला गरि सात जना छन्। वडा नम्बर ७ का थपिएका संक्रमितमध्ये एक तीन महिने शिशु छन् भने अर्का ९ वर्षीय बालक छन्।
यस्तै, मायादेवी गाउँपालिका वडा नम्बर १ का पाँच पुरुष र एक महिला, वडा नम्बर २ का एक पुरुष र वडा नमबर ८ का एक पुरुष गरी आठ जना छन्। वाणगंगा नगरपालिका वडा नम्बर २ का एक पुरुषमा पनि संक्रमण देखिएको स्वास्थ्य कार्यालय, कपिलवस्तुले जनाएको छ।
सबै नमुना राष्ट्रिय जनस्वास्थ्य प्रयोगशाला, काठमाडौंमा परिक्षण गरिएको हो।