कोरोना भाइरस (कोभिड–१९) कारण विश्वभर मृत्यु हुनेको संख्या आधिकारिक रुपमा सार्वजनिक भएको भन्दा १ लाख ३० हजार बढी रहेको अन्तर्राष्ट्रिय समाचार संस्था बीबीसीले दाबी गरेको छ।
कोरोनाका कारण विश्वभर ४ लाख ४४ हजारको मृत्यु भएको आधिकारिक तथ्यांकमाथि खोज गर्दा यो तथ्य फेला परेको हो।
योभन्दा १ लाख ३० हजार बढीको मृत्यु कोरोनाका कारण भएको बीबीसीको दाबी छ। यो तथ्यांक २७ देशको महामारीको सुरुवातताकाको तथ्यांकमा आधारित भएको बताइएको छ।
कोरोना भाइरसबाट भएको मानवीय क्षति सरकारी निकायहरुले बताएको भन्दा निकै बढी भएको बीबीसीको समाचारमा उल्लेख छ।
बीबीसीको अध्ययनअनुसार कोरोना भाइरसबाट विश्वभर करिब ५ लाख ७५ हजारको मृत्यु भइसकेको छ।