आत्महत्या गरेका व्यक्तिमा कोरोना पोजेटिभ

अर्घाखाँची- आत्महत्या गरेका व्यक्तिमा कोरोना रिपोर्ट पोजेटिभ देखिएको छ। शीतगंगा नगरपालिकाका ४५ वर्षीय पुरुषमा कोरोना संक्रमण पुष्टि भएको हो।

उनी शीतगंगा–५ जुकेना गल्दाको हरि माध्यमिक विद्यालयको क्वारेन्टिनमा बसेका थिए। गत जेठ १० गते भारतबाट घर फर्किएका उनको आरडिटी रिपोर्ट पोजेटिभ आएपछि पीसीआर परीक्षणका लागि जेठ २४ गते स्वाब संकलन भएको थियो।

मंगलबार राति उनले आत्महत्या गरेको जिल्ला प्रहरी कार्यालय अर्घाखाँचीले जनाएको छ। जिल्लामा एकै दिन ५२ जनामा कोरोना संक्रमण पुष्टि भएको जिल्ला स्वास्थ्य कार्यालयका जनस्वास्थ्य निरीक्षक गणेशराज पौडेलले जानकारी दिए।  यससँंगै जिल्लामा कोरोना संक्रमित ११० पुगेका छन्। कोरोनाका कारण जिल्लामा तीन जनाको मृत्यु भएको छ।