कैलालीको गोदावरी नगरपालिका वडा नम्बर ६ लालपुरमा मोटरसाइकल र जीप ठोक्किँदा भएको दुर्घटनामा परी एक जनाको मृत्यु भएको छ ।
मृतक मोटरसाइकल चालक हुन्। मृतकको खल्तीमा जोशीपुर गाउँपालिका २ कैलालीका गम्भीर कोटकेनी नामको मतदाता परिचयपत्र फेला परेको प्रहरीले जनाएको छ। मृतक वडा नम्बर ६ लालपुरमै रहेको केदारेश्वर बोर्डिङ स्कुलका प्रिन्सिपल रहेको स्थानीयले बताएका छन् । उनी सो विद्यालयका सञ्चालक समेत थिए।
विद्यालयबाट निस्किएर घर जाने बेला विद्यालयभन्दा दुई सय मिटर टाढा दुर्घटना भएको हो। जीप चालक गौरीगंगा नगरपालिका वडा नम्बर ४ का जीवन विकलाई प्रहरीले नियन्त्रणमा लिएको छ।