कोरोनाबाट भारतमा एकै दिन २ हजारभन्दा बढीको मृत्यु

कोरोना भाइरस (कोभिड–१९) संक्रमण तीव्र रुपमा फैलिरहेको भारतमा एकै दिन २ हजारभन्दा बढीको मृत्यु भएको छ।

हिजो मंगलबार त्यहाँ ठूलो संख्यामा मृत्यु भएको हो। भारतमा कोरोना संक्रमितको कुल संख्या ३ लाख ५४ हजार नाघेको छ। त्यसैगरी मृतकको संख्या ११ हजार ९०३ पुगेको छ।

भारतमा सबैभन्दा बढी संक्रमित महाराष्ट्रमा छन्। त्यहाँ १ लाख १३ हजार ४४५ जना संक्रमित भएकोमा ५ हजार ५३७ को मृत्यु भइसकेको छ।