पर्वतको पहिरोमा बेपत्ता सबैको शव भेटियो

पर्वतको कुश्मा नगरपालिकास्थित दुर्लुङको पहिरोमा बेपत्ता भएका जेनिष विश्वकर्माको शव भेटिएको छ।

जेठ ३१ गतेको पहिरोमा पुरिएका जेनिसको ५ दिनपछि शव भेटिएको हो। उनको शव भेटिएसँगै पहिरोमा मृत्यु हुनेको संख्या १० पुगेको छ।

पहिरोले ढकालबारीका तुलबहादुर थापा र कमला विकको परिवार बगाएको थियो। थापाको ६ जना र विकको ४ जनाको परिवार थियो। थापा परिवारका ६ जनाको शव यसअघि नै फेला परेको थियो भने बिक परिवारका बालक जेनिषको शव हिजो भेटिएको हो।

बेपत्ता सबैको शव फेला परेपछि उद्धारको काम सकिएको र राहत वितरणको काम भइरहेको स्थानीय प्रशासनले जनाएको छ।