भारतमा कोरोना भाइरस (कोभिड–१९) संक्रमणबाट मृत्यु हुनेको संख्या १० हजार नाघेको छ। त्यसैगरी संक्रमितको संख्या ३ लाख ४३ हजारभन्दा बढी पुगेको छ।
भारतमा कोरोनाबाट संक्रमित र मृत्यु हुने क्रम बढ्दो क्रममा छ।
त्यहाँ हरेक दिन करिब ३ लाखको कोरोना परीक्षण हुन्छ।
मंगलबार त्यहाँ १० हजारभन्दा बढी संक्रमित थपिएका छन्। लगातार १० हजारभन्दा बढी संक्रमित थपिएको यो पाँचौं पटक हो। संक्रमणका हिसाबले भारत विश्वको आठौं नम्बरमा आउँछ।
भारतमा परीक्षणको दायरा बढाउन लक्षण देखिएका र सम्भावित सबैको परीक्षण गर्ने गरिएको छ। केन्द्रीय स्वास्थ्य मन्त्रालयका अनुसार देशभरका ९०७ वटा प्रयोगशालामा कोरोना परीक्षण हुन्छ।
अहिलेसम्म भारतमा करिब ६० लाख नमुनाको परीक्षण भइसकेको छ।
नवभारत टाइम्स