लकडाउन खुकुलो भएसँगै ब्राजिलमा कोरोना संक्रमण तीव्र

दक्षिण अमेरिकी मुलुक ब्राजिलमा कोरोना भाइरसको संक्रमण फैलिने क्रम तीव्र बन्दै गइरहेको छ।

लामो समयको लकडाउन खुकुलो बनाइएपछि त्यहाँ संक्रमण झन् बढेको छ। विश्व स्वास्थ्य संगठनले लकडाउनमा छुट नदिन आग्रह गर्दै आएकोमा त्यसलाई अटेर गर्दै ब्राजिलले लकडाउनमा छुट दिएको छ।

पछिल्लो २४ घण्टामा ब्राजिलमा करिब ३७ हजार संक्रमित थपिएका छन्। त्यहाँ हालसम्म संक्रमितको संख्या ८ लाख ६७ हजार ६२४ पुगिसकेको छ। त्यस्तै ४३ हजार ३३२ जनाको मृत्यु भएको छ।

संक्रमण र मृत्यु दुवै हिसाबमा ब्राजिल अमेरिकापछि सबैभन्दा बढी प्रभावित मुलुक हो।