काठमाडौं- पर्सामा तीन स्वास्थ्यकर्मी र एक कार्यालय सहयोगीसहित १० जनामा कोरोना भाइरस (कोभिड-१९)को संक्रमण फेला परेको छ।
नारायणी अस्पतालको प्रयोगशालामा गरिएको स्वाब परीक्षणमा थप १० जनामा कोरोना संक्रमण देखिएको हो। संक्रमित हुनेमा ९ जना विन्दवासनी गाउँपालिकाको क्वारेन्टिन र एक जना पटेर्वा सुगौली गाउँपालिकाको रहेको नारायणी अस्पतालका प्रमुख मेडिकल सुपरिटेन्डेन्ट डा. मदनकुमार उपाध्यायले जानकारी दिए।
संक्रमितमध्ये विन्दवासनी गाउँपालिकाको स्वास्थ्य प्रमुखसहित दुई स्वास्थ्यकर्मी र एक महिला कार्यालय सहयोगी छन्। अन्य पाँच जना केही दिनअघि भारतबाट फर्किएर गाउँपालिकाका वडा नम्बर ४ झौवागुठीमा निर्माण गरेको क्वारेन्टिनमा बसेका छन्।
क्वारेन्टिनमा खटिने स्वास्थ्यकर्मी र कार्यालय सहयोगीसहित भारतबाट आएकाको गत जेठ २६ स्वाब संकलन गरिएको थियो। संक्रमितलाई आइसोलेसन वार्डमा लैजाने तयारी भइरहेको छ।