अख्तियार दुरुपयोग अनुसन्धान आयोगले मालपोत कार्यालय कास्कीका एक जना नायव सुब्बा विरुद्ध भ्रष्टाचार मुद्दा दायर गरेको छ।
रजिस्ट्रेसन फाँटमा कार्यरत नासु दिपक सुवेदीविरुद्ध अख्तियारले आइतबार विशेष अदालत काठमाडौंमा मुद्दा दायर गरेको हो।
अख्तियारका प्रवक्ता प्रदीपकुमार कोइरालाका अनुसार जग्गा रोक्का गर्ने कार्यमा सहजीकरण गरिदिने भन्दै सुवेदीले सेवाग्राहीबाट तीन हजार रुपैयाँ घुस लिएका थिए।
अख्तियारले सुवेदीलाई उक्त घुस रकमसहित पक्राउ गरेको थियो।