पाकिस्तानमा कैयौं उच्च पदस्थलाई कोरोना संक्रमण, पूर्वप्रधानमन्त्री गिलानी पनि संक्रमित

भ्रष्टाचार आरोपमा थुनामा रहेका पाकिस्तानी पूर्व प्रधानमन्त्री युसुफ राजा गिलानीलाई कोभिड–१९ संक्रमण भएको छ ।

गिलानीलाई संक्रमण भएको सूचना उनकै छोरा कासिम गिलानीले ट्वीटरमार्फत् सार्वजनिक गरेका छन्।

कासिमले आफ्ना पिता जेलमा रहँदा संक्रमणको खतरा रहेको भन्दै धरौटीमा रिहा गरिदिन केही समय पहिले सरकारसँग अनुरोध गरेका थिए।

पाकिस्तानमा कोरोना संक्रमित व्यक्तिको संख्या एक लाख ३४ हजार नाघेको छ भने दुई हजार ५७४ को मृत्यु भएको छ ।

पाकिस्तानमा पछिल्ला केही हप्ता यता कैयौं उच्च पदस्थ राजनीतिज्ञ, कर्मचारी, चिकित्सक, नर्स तथा खेलाडीहरूलाई कोरोना भाइरस संक्रममण पुष्टि भएको छ।