विहीबार, साउन २९, २०७७

समाचार

प्रदेश १ मा १९ जना संक्रमित थपिए, २५ डिस्चार्ज

1596104762koshi.jpeg

विराटनगर– प्रदेश १ मा शनिबार १९ जना कोरोना संक्रमित थपिएका छन् । इलाममा १७ र झापामा २ जनामा संक्रमण देखिएको सामाजिक विकास मन्त्रालयले जनाएको छ ।

इलामको इलाम नगरपालिकामा १७ जना पुरुष र झापाको विर्तामोडमा १ महिला र १ पुरुषको कोरोना रिपोर्ट पोजेटिभ आएको सामाजिक विकास मन्त्रालयका प्रवक्ता डा.सुरेश मेहताले बताए । प्रदेश १ मा शनिबार सम्म कोरोना संक्रमितको संख्या १ हजार ४४ पुगेको छ ।

प्रदेश १ मा शनिबार २५ जना डिस्चार्ज भएका छन् । पूर्वाञ्चल विश्वविद्यालय कोभिड १९ आईसोलेसन अस्पतालमा उपचाररत २५ पुरुष डिस्चार्ज भएको सामाजिक विकास मन्त्रालयले जनाएको छ ।

मन्त्रालयका अनुसार झापाका ७, ओखलढुङ्गा र मोरंगका ५–५, सुनसरी र धनकुटाका ३¬–३, सोलुखुम्वु र इलामका १–१ जना डिस्चार्ज भएका छन् । प्रदेश १ मा डिस्चार्ज हुनेको संख्या ८ सय १४ पुगेको छ ।

प्रदेश १ मा शनिबार ७ सय ५ जनाको कोरोना परीक्षण गरिएको सामाजिक विकास मन्त्रालयले जनाएको छ ।

प्रतिक्रिया दिनुहोस्