विहीबार, साउन २९, २०७७

समाज

नक्कली नोटसहित एक जना पक्राउ

1576042846pakrau-nsss.jpg

काठमाडौं- प्रहरीले काठमाडौं महानगरपालिका-३१ शान्तिनगर नोगेन्द्र कान्छा चोकबाट नक्कली नेपाली रुपैयाँसहित एक जनालाई पक्राउ गरेको छ।

एक हजार दरको नक्कली नेपाली नोट १० थानसहित स्याङजा चापाकोट नगरपालिका–५ घर भई शान्तिनगर बस्ने ३८ वर्षीय नारायण पौडेललाई प्रहरीले पक्राउ गरेको हो।

पौडेलको सुबिधा स्टेशनरीभित्र नक्कली नोट फोटोकपी गरी प्रयोगमा ल्याउने गरेको खुलेको महानगरीय प्रहरी वृत्त बानेश्वरले जनाएको छ।

उनलाई फोटोकपी गर्दै गरेको अवस्थामा पक्राउ गरेको प्रहरीले जनाएको छ।

स्टेशनरीबाट कलर प्रिन्टर एक थान, सक्कली एक हजार दरको नोट एक थानसमेत प्रहरीले बरामद गरेको छ।

यस सम्बन्धमा थप अनुसन्धान भइरहेको महानगरीय प्रहरी परिसर काठमाडौंले जनाएको छ।

प्रतिक्रिया दिनुहोस्