शनिबार, साउन ३१, २०७७

कला - साहित्य संवाद

‘सपना खोज्ने मानिसको कथा हो डुमेरो’

1596252406sarala.jpg

सरला गौतमले पत्रकारिताबाट लेखकीय जीवन आरम्भ गरेकी हुन्। उनी सामाजिक सरोकारमा मुखरित हुने आलोचनात्मक टिप्पणीकारका रुपमा परिचित छन्। पत्रकारितामा उनी सामाजिक र राजनीतिक मुद्दामाथि विशेष केन्द्रित हुन्छिन्। उनै गौतमको पहिलो साहित्यिक कृति प्रकाशित भएको छ– डुमेरो। उपन्यास लेखनको प्रभाव, प्रेरणा र विषयवस्तुबारे गौतमसँग गरिएको छोटो वार्ता :

उपन्यास लेखनको प्रेरणा कहाँबाट प्राप्त भयो?

मैले पाठकका रूपमा कथाहरूमा आफूलाई खोज्थें होला। भेटिनँ कि! मलाई नै खोज्न मेरो मनको लेखकले उपन्यास लेख भन्यो। मलाई आफू बाँचेको समय, भोगाइ र अनुभूतिबाट प्रेरणा प्राप्त भयो।

डुमेरोको कथ्य विषय के हो?

बदलिएको सामाजिक आर्थिक संरचनामा एउटा मनिस आफू र आफ्नो सपना खोज्न हिँड्छ। चाहे महिला होस् वा पुरुष, चुनौतीका अनेकौं पहाडमा ऊ निरन्तर अघि बढ्न खोज्छ। यही स्वपहिचानको खोजी हो डुमेरो।

अखबारी लेखनबाट आख्यानतर्फ कसरी आकर्षित हुनुभयो?

मनलाई अखबारमा पोखिएर धीत् नमरेर होला नि ।

तपाईंको उपन्यासको फरक विशेषता के के छन्?

हरेक दिन अनेक रङका भोगाइ छन्। नौलानौला छन् चुनौती। उस्तै रोमाञ्चक छन् अनुभूति। सायद मन अलि फराकिलो क्षितिजमा फैलन खोज्यो कि। यो मनले जताजता लग्यो म उतै गएँ। डुमेरो उपन्यास यसकै परिणाम हो।

पाठकलाई के भन्नुहुन्छ?

यो संकटको समयमा मलाई माया गर्ने पाठकलाई यही पुस्तकबाट मंगल कामना गर्दछु।

प्रतिक्रिया दिनुहोस्