पोखरा- गण्डकी प्रदेशमा थप २४ जनालाई कोरोना संक्रमण पुष्टि भएको छ ।
गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा विनोद विन्दु शर्माका अनुसार नवलपरासी (बर्दघाट सुस्ता पूर्व)मा १२ बाग्लुङमा ११ र म्याग्दी जिल्लामा १ जनामा कोरोना संक्रमण पुष्टि भएको हो ।
नवलपरासी पूर्वका १२ जना संक्रमितहरु १८ देखि ४० वर्ष उमेर समूहका छन् । संक्रमितहरु सबै पुरुष रहेको उनले बताए ।
यस्तै बाग्लुङका ११ संक्रमितमध्ये बरेङ गाउँपालिकाका ७ जना र निसीखोला गाउँपालिकामा ४ जना पुरुष रहेको स्वास्थ्य निर्देशनालय पोखराले जनाएको छ । म्यादीका संक्रमित बेनी नगरपालिकाका ४६ वर्षीय पुरुष रहेको प्रवक्ता शर्माले बताए ।
मंगलबार बिहान थपिएका संक्रमितसँगै गण्डकी प्रदेशमा कोरोना संक्रमितहरुको संख्या १४४ पुगेको छ ।