'शान्ति प्रक्रिया टुंग्याउन सरकार संवेदनशील भएन'

काठमाडौं- कांग्रेस सांसद पुष्पा भुसालले वर्तमान सरकारले शान्ति प्रक्रिया र संक्रमणकालीन न्याय टुंगोमा पुर्याउन बजेट नछुट्याएको आरोप लगाएकी छन्।

उनले सरकारले सत्य निरुपण तथा मेलमिलाप आयोग र बेपत्ता आयोगलाई बजेट नछुट्याउँदा पीडितले न्याय पाउनेमा शंका रहेको बताइन्।

प्रतिनिसभाको सोमबारको बैठकमा उनले मौलिक हकसँग सम्बन्धित ऐन नबन्दा नेपाली जनताले न्याय पाउन नसकेन बताइन्।

यस्तै उनले उनले महिलालाई समान सहभागिता गराउन राज्य संवेदनशील नभएको आरोप लगाइन्।

उनको प्रश्नको जबाफ दिँदै कानुनमन्त्री शिवमाया तम्बाहाङ्फेले संक्रमणकालीन न्यायका सन्दर्भमा जतिसक्दो बजेट छुट्याएर यसलाई टुंगोमा पुर्याएरै छाड्ने बताइन्।

उनले जनताले न्याय पाउने विषयमा सरकार संवेदनशील रहेको बताइन्। मौलिक हकसँग जोडिएका ऐनहरु बनाउने काम भइरहेको उनको भनाइ छ।