काठमाडौं– हिमानी कोषले इन्द्र राज्यलक्ष्मी देवी परोपकार अस्पताल (प्रसूति गृह) थापाथलीलाई स्वास्थ्य सामग्री हस्तान्तरण गरेको छ।
शुक्रबार कोषका सदस्यले प्रसूति गृहलाई २०० थान पीपीई २०० थान एन–९५ मास्क, २०० थान ग्लोब्स र २०० थान स्यानिटाईजर हस्तान्तरण गरेका हुन्।
त्यसैगरी, कोषले पश्चिमी नाका गौरीफन्टाको लागि १०० थान पीपीई, २५०० थान सर्जिकल मास्क, २५०० थान ग्लोब्स, १५०० कार्टुन पानी र १० हजार पिस साबुनको लागि आवश्यक रकम उपलब्ध गराएको छ।
फोहोरमैला संकलन केन्द्र नेप्सेम्याकलाई १०/१० थान पीपीई, सर्जिकल मास्क र यूटीलीटी ग्लोब्स पनि सहयोग गरिएको कोषले जनाएको छ।