काठमाडौं– अमेरिकाको क्यारेबियन क्षेत्रमा आयोजना हुने चर्चित टी–२० फ्रेन्चाइज क्यारेबियन प्रिमियर लिग (सीपीएल) को दुवै सेमिफाइनल खेल आज हुँदैछ।
दुवै सेमिफाइनल खेल आज राति हुनेछन्। पहिलो खेल सवा सातमा हुनेछ भने दोस्रो खेल राति सवा १२ बजे सुरु हुनेछ।
लिग चरणको प्रतियोगिताको उत्कृष्ट चारमा पर्दै ट्रिनबागो नाइट राइडर्स, गुएना अमेजम वारियर्स, सेन्ट किट्स एन्ड नेभिस पेट्रिओट्सर र सेन्ट लुसिया किंग्स प्रतियोगिताको सेमिफाइनलमा पुगेको थिए।
जहाँ शीर्ष तीनको समान १२–१२ अंक भए पनि नेट रन रेटका आधारमा ट्रिनबागो, गुएना अमेजन र सेन्ट किट्स क्रमशः पहिलो, दोस्रो र तेस्रो स्थानमा थिए।
त्यस्तै, सेन्ट लुसिया किंग्स चौथो स्थानमा थियो। अब सेमिफाइनलको पहिलो खेलमा पहिलो स्थानको ट्रिनबागो र चौथो स्थानको सेन्ट लुसिया खेल्नेछन्।
उनीहरुबीचको खेल सवा ७ बाट सुरु हुनेछ। त्यस्तै, दोस्रो सेमिफाइनल खेलमा दोस्रो र तेस्रो स्थानका गुएना अमेजन र सेन्ट किट्स भिड्दैछन्। उनीहरुको खेल राति सवा १२ बजेबाट सुरु हुनेछ।
यता लिग तालिकामा पाँचौ र छैटौं स्थानमा रहेको जमैका तल्लावाह र बाबार्डोस रोयल्स लिग चरणबाटै बाहिरिएका छन्।
लिगको फाइनल खेल भोलि ९भदौ ३० गते० पौने ८ बजे हुनेछ। सीपीएलमा नेपाली खेलाडी सन्दिप लामिछाने पनि आबद्ध थिए। तर सोहि समयमा नेपाली राष्ट्रिय टिमको ओभन भ्रमण रहेकाले सन्दिपले यो वर्षको सीपीएल गुमाएका हुन्।
उनी ट्रिनबागो नाइट राइडर्समा अनुबन्ध भएका थिए। त्यसअघि सन्दीपले सेन्ट किट्स एण्ड नेभिस प्याट्रीओट्स र बार्बाडोस ट्राइडेन्ट्सबाट दुई सिजन सीपीएल खेलेका थिए।